Нова трагедија на скопските улици, возач со „Ауди“ прегази пешак во Ѓорче Петров
Човек загина вечерва кај општината Ѓорче Петров, откако во него удрил автомобил, соопштија од МВР за МИА.
– Пријавено е дека кај Општина Ѓорче Петров, патничко моторно возило „Ауди” удрило пешак. Пешакот починал, велат од МВР.
Нивна екипа е упатена на лице место. Засега нема информации за возраста на загинатиот, како ни за околностите под кои се случила несреќата. МВР најави дека откако ќе заврши увидот, ќе соопшти официјална информација.
Со своја реакција во врска со случајот, вечерва се огласи градочалникот на оваа скопска општина, Александар Стојкоски.
– Сочувство до семејството на загинатиот пешак. Улиците треба да се безбедни за сите, од деца до највозрасни. Сите имаме своја улога во сообраќајот, внимателноста е најважна, напиша Стојкоски на фејсбук.