Пејачката Емина Јаховиќ и нејзиниот поранешен сопруг Мустафа Сандал, седум години по нивниот развод, повторно се најдоа лице в лице. И тоа на суд во Турција.

Како што турските медиуми пишуваа во изминатите неколку дена, Емина поднела нова тужба, тврдејќи дека нејзиниот поранешен сопруг не ги исполнил своите обврски од договорот за развод. Меѓу другото, ова вклучува доцнење во исплатата на алиментацијата и одбивање да се обезбеди автомобил за неа и децата кога им е потребен.

Турските медиуми сега објавија нови детали од нивниот договор од 2018 година, па во таа прилика било договорено дека пејачката ќе го добие старателството над децата, како и дека ќе добие два милиони долари од продажбата на заедничката куќа во Бејкоз и 500.000 долари за образование на децата. Покрај ова, Мустафа се обврзал да им купи стан во Србија и редовно да плаќа алиментација. Сепак, според тврдењата на Јаховиќ, Сандал не ги исполнил тие обврски.

Поранешните сопружници се сретнале неодамна на суд во Истанбул. Според извор запознаен со целата приказна, таа потоа истакнала дека поднела тужба и била принудена да го преземе овој чекор бидејќи неплаќањата на Сандал и непочитувањето на договорот ја направиле оваа правна акција неизбежна.

Како што објавуваат тамошните медиуми, ова не е прв правен конфликт меѓу Емина и Мустафа за пари. Во 2022 година, Јаховиќ покренала извршна постапка против Сандал поради неплатени 26 исплати на алиментација, но потоа тужбата била отфрлена откако пејачот ја докажал исплатата од 1,8 милиони турски лири (околу 115.000 евра).

За потсетување, Емина и Мустафа се разведоа во 2018 година, по 10 години брак. Во бракот ги добија синовите Јаман и Јавуз.

ВИДЕО | Извајаните стомачни мускули во преден план: Емина Јаховиќ среде зима скокна во морето