Нов закон – Отсега ѕвездите ќе мораат да ги обележуваат фотошопираните фотографии
Обработените фотографии на мрежите ја „потпалуваат менталната здравствена криза“ и создаваат лажна слика за убавината.
Се чини дека обработувањето на фотографиите на социјалните мрежи отиде предалеку, што е вистина, а што е реалност повеќе никој не знае, а тоа најмногу влијае на психата на младите, кои поведени од „совршенството“ на интернет, го бараат истото тоа и во реалниот живот, иако таква работа не постои.
Поради тоа парламентарците во Велика Британија сакаат да им забранат на ѕвездите во тајност да ги обработуваат фотографиите со „Photoshop“ со цел да го променат својот изглед, а потоа да ги објават на социјалните мрежи.
Претставникот на конзерватнивната партија во британскиот парламент, Лук Еванс го претстави вчера предлог законот, според кој секоја позната личност ќе мора да ги обележи фотографиите кои дополнително се обработувани.
Еванс, кој е член и на одборот за здравствена и социјална грижа, изјави дека обработените фотографии на мрежите ја „потпалуваат менталната здравствена криза“ и создаваат лажна слика за убавината.