Нов директор на Челси ќе биде човекот што ги откри Халанд и Мане
Англискиот премиерлигаш е многу блиску до ангажирање нов спортски директор и тоа треба да биде еден од најценетите фудбалски оперативци во Европа.
Нов директор на Челси треба да биде актуелниот спортски директор на австрискиот шампион Салцбург, Кристоф Фројнд, човекот што откри едни од најголемите фудбалски бисери во последната деценија.
Тој е клучен човек во неверојатниот подем на Салцбург и прво беше спортски координатор, а во последните седум години по заминувањето на Ралф Рангник од тимот, ја извршува функцијата спортски директор.
Фројнд и неговите скаути „открија“ фудбалери како Ерлинг Халанд, Садио Мане, Дајот Упамекано, Наби Кеита.
Новиот сопственик на Челси Тод Боли и неговите партнери со ангажманот на Фројнд продолжуваат да ги чистат луѓето поставени од поранешниот сопственик Роман Абрамович. Досега Челси го напуштија Петр Чех и директорит Марина Грановскаја и Брус Бак.