Фудбалерите на норвешкиот шампион Бодо Глимт по трет пат во последните четири сезони се во плејофот за Лигата на шампионите.

Денеска пред своите навивачи убедливо со 5:0 го совладаа Штурм и доколку го елиминираат австрискиот првак ќе испишат историја за прв пат пласирајќи се во елитата на ЛШ.

Во сезоната 2022/23 во плејофот за ЛШ загубија од Динамо Загреб, а во сезоната 2024/25 во истата фаза беа елиминирани од Црвена звезда. Минатата сезона стигнаа до полуфиналето во Лигата на Европа во кое беа поразени од Тотенхем.

Во денешната победа над Штурм по еднаш во листата на стрелците се запишаа Хог во седмата, Бјортуфт во 10, Салтнес во 25 и Евјен во 54 минута, а автогол во 79 минута си постигна Бовинг.

Немаше голови на натпреварите Селтик – Каират Алмати и Фенербахче – Бенфика, а мечот Базел – ФК Копенхаген заврши со резултат 1:1.

Швајцарците поведоа во 14 минута од пенал кој го реализираше Шаќири, а непосредно пред крајот на првото полувреме израмнија Данците преку Габриел Переира (45+3`) по асистенцијата на Лопез.

Од 82 минута домаќините играа со еден фудбалер помалку поради двата жолти картони на Аџетеј, но ваквата предност на теренот не ја искористи гостинот до крајот на натпреварот.