Норвешката премиерка го призна поразот на парламентарните избори

Ерна Солберг / Фото: EPA-EFE/BERIT ROALD NORWAY OUT

Норвешката конзервативна премиерка Ерна Сoлберг го призна поразот на парламентарните избори и му честиташе на, најверојатно следниот премиер, Јонас Гар Стор, чија Лабуристичка партија освои најмногу гласови.

Солберг (60) и нејзината конзервативна коалиција на власт се во Норвешка од 2013 година.

Од своја страна, Јонас Гар Стор, изрази задоволство од победата и најави дека ќе разговара со сите страни за формирање нов кабинет.

– Чекавме, се надевавме и работевме напорно, и сега конечно можеме да кажеме: Го направивме тоа!, изјави Стор пред своите приврзаници откако Солберг го призна поразот.

– Норвешка испрати јасен сигнал: изборите покажуваат дека норвешкиот народ сака поправедно општество, рече 61-годишниот милионер кој водеше кампања против социјалните нееднаквости.

Ова се случи откако првите резултати покажаа дека победи левоцентристичкиот блок. Со преброени 97,5 проценти од гласовите, Лабуристичката партија и четири други партии од левиот центар би можеле да се формираат мнозинство од 100 места, наспроти 81 во моментов, предвидува Дирекцијата за избори.

Потребни се минимум 85 места за да се добие мнозинство во парламентот со 169 пратенички места.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот