Традиционална промена по смената на шампионот

По четири години доминација на Холанѓанецот Макс Ферстапен, нов шампион во Формула 1 е Британецот Ландо Норис.

Возачот на Мекларен во драматичната завршница на неодамна завршениот шампионат стигна до својата прва титула во кариерата, со само два бода повеќе од Ферстапен.

Како актуелен светски шампион, Ландо Норис во следната сезона ќе го носи бројот 1 на својот болиду – број што традиционално му припаѓа на бранителот на титулата. Досега Британецот настапуваше со бројот 4.

Од другата страна, Макс Ферстапен по губењето на „единицата“ се одлучи за бројот 3. За Холанѓанецот тројката има посебно значење и се смета за негов среќен број.

Пред да ја освои својата прва титула во Формула 1, Ферстапен возеше со бројот 33, кој исто така останува еден од симболите на неговиот подем во најбрзиот циркус.