Нина Дуковска ни препорачува: Израдувајте ги најблиските со здрав, вкусен и посен оброк, фалафел – специјалитет од Блискиот Исток!
„Се верува дека овие „ќофтиња“ потекнуваат од Египет и почнале да се користат како замена за месо за време на долгите периоди на пост. Во последните неколку години, фалафелот е главно јадење и на менито на вегетаријанците и веганите, поради едноставниот, но исклучително вкусен спој на наут, зеленчуци и зачини кои се извор на протеини и солидна замена за месото.“
Фалафелот е навистина едноставен за правење дома со само неколку состојки. Пред да почнете со готвење, потребно е леблебијата да ја оставите да отстои во вода најмалку 4 часа (или во фрижидер преку ноќ). Овој чекор е важен, бидејќи потоа фалафелот е многу полесен за правење и печење.
Потребни состојки:
- маслиново масло (околу 50 милилитри)
- 200 грама органски наут
- 1 мал кромид, ситно исецкан
- ½ шоља магдонос, ситно исецкан
- ½ шоља коријандер, ситно исецкан
- 4 чешниња лук, исецкани
- 1 кафена лажичка сол
- ½ кафена лажичка бибер
- ½ кафена лажичка куркума
- ½ кафена лажичка кари зачин
Начин на подготовка:
Загрејте ја рерната на 190°C. Земете една голема тава во која ќе го истурите маслиновото масло.
Во блендер ставете ги сите горенаведени состојки и додадете една супена лажица маслиново масло.
Блендирајте околу 1 минута, или додека смесата не стане хомогена.
Користејќи ги рацете, формирајте ја смесата во форма на ќофтиња и наредете ги во тавата.
Тавата нека биде покриена со хартија за печење. Печете ги околу 10-15 минути на 190°.
Комбинирајте ги со други јадења по желба, одлично одговараат со свежа салата.
НА ЗДРАВЈЕ!
За повеќе вакви рецепти, заследете ја ОВАА ФЕЈСБУК ГРУПА и ОВОЈ ИНСТАГРАМ ПРОФИЛ.