Николоски: Поднесовме иницијатива за гласање доверба на Владата

Александар Николоски, пратеник на ВМРО-ДПМНЕ, Фото: Принтскрин Фејсбук

Потпретседателот на ВМРО -ДПМНЕ и пратеник Александар Николоски денеска објави дека заедно со пратениците на Алијанса за Албанците и Алтернатива, Беса и Левица поднесуваат иницијатива за гласање доверба на Владата. Според него, оваа иницијатва ја потпишале 61 пратеник и нивните очекувања се дека претседателот на Собранието во соодветниот рок ќе закаже седница односно најдоцна до четврток.

Николоски, кој цитираше дел од иницијативата, искажа уверување дека очекува недовербата на владата да биде изгласа со 61 и повеќе пратеници, и покрај ставот на пратеникот Скендер Реџепи од Алетрнатива.

– Високо ја цениме работата на Реџепи и мислам дека неговата изјава е јасна, тој ќе ја поддржи иницијативата. Прво да падне Владата на СДСМ и на ДУИ, а за формирање на нова влада или за брзи предвремени избори ќе разговараме по четврток, рече Николоски.

Според него, откако ќе падне Владата, ако се вклопат интересите на партиите потписници на новото мнозинство ќе се разговара за нова политичка влада или за можноста за брзи предвремени парламентарни избори.

Што пишува во иницијативата за гласање доверба на Влада?

Видео на денот