Пред седиштето на туристичката агенција „Беса“, организатор на патувањето за време на кое се случи тешка сообраќајна несреќа во која изгоре нивни автобус и загинаа 46 патници, нема вработени ниту пак е дојден сопственикот, а репортерите на Слободен печат и Утрински брифинг се обидуваат телефонски да ги контактираат.

Во меѓувреме пред седиштето на агенцијата се собираат роднини на патниците.

– Се обидувам да го добијам братучед ми по телефон, но не се јавува. Дознав од Фејсбук дека се случила несреќата, вели за Утрински брифинг еден од роднините.

Фејсбук профилот на сопственикот на агенцијата од утринава е затворен. Пред седиштето на агенцијата во Скопје има полициско обезбедување.

По извесно време, роднините на патниците си заминале од пред седиштето на „Беса-турс“.

ФОТО+ВИДЕО | ВО ЖИВО: Сите информации за тешката сообраќајна несреќа во Бугарија