Невработеноста во САД порасна за нови 1,54 милиони лица
Од почетокот на пандемијата до сега бројот на невработени, баратели на државна помош се искачи на 44 милиони лица.
Министерството за труд, посочува дека и натаму забавува темпото на губење работни места во САД иако само за една недела бројот на невработени кои се пријавиле за државна помош се искачил за нови 1,54 милиони работници.
Минатата недела извештајот покажа дека околу 1,9 милиона лица се пријавиле за невработени, што е големо намалување од неодамнешните шест милиони. Најновите бројки доведоа до вкупна бројка од околу 44 милиони барања, откако пандемијата на коронавирусот од март почна да предизвикува големи застои во делови од американската економија.
Новите податоци ја покажуваат постојаната невработеност, бидејќи пријавувањата и одјавувањата го изместија пазарот на трудот.
Американските Федерални резерви вчера предвидеа дека во 2020 година просечната невработеност ќе изнесува 9,3 отсто.