Сезонски прилагодената стапка на невработеност во еврозоната се зголеми во февруари од историскиот минимум во јануари од 6,1 процент на 6,2 проценти, објави денес Евростат. Бројот на невработени во еврозоната се зголеми за 93.000 во споредба со јануари, на вкупно 10,91 милиони луѓе. Невработеноста кај младите под 25 години остана стабилна на 14,9 проценти во еврозоната, или околу 2,25 милиони луѓе. Стапката на невработеност кај жените во еврозоната е 6,4 проценти, а стапката на невработеност кај мажите е шест проценти, објавува Танјуг.

Меѓу најголемите економии во еврозоната, најниски стапки на невработеност се регистрирани во Германија од 4 проценти и Холандија од 4,1 процент, додека највисоки вредности се регистрирани во Шпанија од 9,8 проценти, Франција од 7,8 проценти и Италија од 5,3 проценти. На ниво на целата Европска Унија, стапката на невработеност остана непроменета на 5,9 проценти во февруари, според веб-страницата на Евростат.