Од кабинетот на израелскиот премиер Бенјамин Нетанјаху вчера објавија дека тој „тивко“ ги посетил Обединетите Арапски Емирати (ОАЕ) и бил примен од претседателот Мохамед бин Зајед, откако САД и Израел започнаа напади врз Иран. Но денеска од ОАЕ негираат дека Нетанјаху бил во оваа земја.

Од Министерството за надворешни работи на ОАЕ соопштија дека „сите тврдења за ненајавени посети или неоткриени договори се целосно неосновани освен ако не се официјално потврдени од надлежните органи во ОАЕ“. Извештајот на Емиратите, исто така, негираше дека било каква израелска воена делегација била примена во ОАЕ.

„Нетанјаху се сретна со претседателот на ОАЕ, шеикот Мохамед бин Зајед Ал Нахјан, на собир што „резултираше со историски пробив во односите меѓу Израел и Обединетите Арапски Емирати“, се наведва во израелското соопштение.

Објавата на Израел дојде еден ден откако американскиот амбасадор во Израел, Мајк Хакаби, откри дека Израел испратил оружје за воздушна одбрана „Железна купола“ и персонал за да ги управува во ОАЕ.

ОАЕ се соочи со ирански ракетен и беспилотен оган дури и по прекинот на огнот минатиот месец.

Минатата недела, како што објавија некои од медиумите, Нетанјаху бил меѓу лидерите кои го повикале претседателот на Емиратите за да ги осудат иранските напади и да ја изразат својата солидарност со федерацијата на Персискиот Залив. Тоа беше ретко јавно признание за директни разговори меѓу земјите кои ги нормализираа односите во Абрахамовите договори од 2020 година и ги зајакнаа нивните врски за време на војната со Иран. Иран го критикуваше тој договор и постојано сугерираше во текот на годините дека Израел одржува воено и разузнавачко присуство во Емиратите. Израелските лидери повремено ги посетуваа ОАЕ во последните години по нормализирањето на односите.