Украинската тенисерка Дајана Јастремска покажа дека има талент за пеење и за време на паузата во сезоната поради пандемијата на коронавирусот ја сними првата песна и спот.

Таа својата дебитантска песна „Тысячи меня“ ја објави непосредно пред својот 20. роденден кој го слави токму денеска.

„Како малка тренирав тенис, но и пливање, танц, гимнастика и сакав да станам пејачка“, открива Јастремска.

Украинката планира целиот приход од песната да го донира за помош на лицата кои се погодени од пандемијата на коронавирусот во Украина.
Дајана Јастремска моментно се наоѓа на 25. место на ВТА ранг листата, а додега има освоено три титули.