Гувернерот на бразилската сојузна држава Рио де Жаниеро, Клаудио Кастро, стави вето на на промената на легендарниот стадион „Маракана“ по големиот број на критики во јавноста.

Претставници на Рио де Жанеиро минатиот месец предложија култниот стадион да се преименува во „Крал Пеле“, во чест на најдобриот бразилски фудбалер Едсон Арантес до Насименто Пеле (80) сметајќи дека тоа е достојно признание за човекот кој го задолжи бразилскиот фудбал и ѝ служеше на држава по играчката кариера.

Но, плановите за преименување на легендарната „Маракана“ паднаа во вода бидејќи се спротивставија навивачите, но и поголем дел од медиумите. Нивниот адут против преименувањето на стадионот беше дека иако играше и даваше голови на „Маракана“, Пеле никогаш не живеел во таа сојузна држава ниту во Рио де Жанеиро, туку во 400 километри оддалечениот Сао Пауло, а е роден во сојузната држава Минас Жераес.

Официјалното име на стадионот е „Марио Фиљо“ по новинарот кој во 1940-тите години лобираше за негова изградба, а во јавноста овој стадион е познат под името „Маракана“ по квартот во кој се наоѓа.