Навивачите на Арсенал во шок, Давид Луиз го продолжи договорот
Освен Бразилецот, на нови договори се согласија уште тројца фудбалери.
Виновникот за поразот од Манчестер сити, Давид Луиз и во наредната сезона ќе го носи дресот на Арсенал откако денеска се согласи да потпише нов едногодишен договор.
– Давид е важен играч за нас. Одигра голем дел од натпеварите и е еден од клучните играчи во екипата. Неговите додавања, комуникација со соиграчите на и надвор од теренот им помагаат на сите – изјави техничкиот директор на Арсенал, Еду.
Во клубот ќе останат и Пабло Мари и Седрик Соареш кои моменто се на позајмица во Фламенго и Саутемптон, но ќе потпишат повеќегодишни договори со Арсенал кога ќе започне летниот преоден рок.
Арсенал исто така ја продолжи позајмицата на Дани Севаљос до крајот на сезоната.
– Навистина сум среќен што ќе ги имаме овие играчи и во иднина. Тие се дел од долгорочние планови на тренерот Микел Артета – додава Еду.