Научно докажано: Доколку имате миленик вие сте добар човек!

Истражувањето опфатило 500 млади лица на возраст од 18 до 26 години, на кои им биле поставувани прашања за нивниот однос со домашните миленици.

Доколку се грижите за кучиња и мачиња, можете слободно да кажете дека сте добар човек, бидејќи – тоа сега и науката го потврдува! Имено, според студијата објавена во списанието “Medical Daily”, постојат низа причини поради кои милениците се добри за нашето здравје, но и за развојот на добри социјални особини.

Лицата кои, на пример, имаат кучиња, лесно влегуваат во комуникација со непознати луѓе, пишува “Petface”.

Луѓето кои воделе или водат грижа за животни изградиле врски кои ги промениле. Врските кои се создаваат меѓу животните и луѓето имаат влијание и на однесувањето на луѓето во друштвото. Имено, оние кои имаат или имале миленици обично се посоцијални од другите, пренесува ова списание.

Авторите на студијата заклучиле дека лицата кои се сами во одреден временски интервал зборуваат со тројца странци, додека лицата кои имаат куче за истото време разговараат со дури 65 сосема непознати лица.

Луѓето со миленичиња се обично подруштвени, а тоа што е уште поважно според мислењето на истражувачите е квалитетот на односот меѓу сопственикот и миленикот, бидејќи тој однос обично се пресликува и на односите со луѓе.

“Младите кои се многу врзани со своите миленици полесно остваруваат врска со луѓе во своите заедници, но и со партнерите”, изјави еден од истражувачите.

Истражувањето опфатило 500 млади лица на возраст од 18 до 26 години, на кои им биле поставувани прашања за нивниот однос со домашните миленици. Оние кои биле посебно поврзани со своите миленици искажувале повеќе емпатија и доверба, а исто така зборувале дека цврсто се врзуваат со луѓе. Освен тоа, колку повеќе одредениот учесник се грижел за својот миленик, толку повеќе сакале да учествуваат во разни социјални активности, односно да волонтираат во заедницата или да помагаат во семејството или на пријателите.

Освен овие социјални користи од милениците, посебно кучињата, тие можат да влијаат добро и нашето здравје, бидејќи силните емотивни врски придонесуваат за ослободување на одредени хормони, што ни помага да се опуштиме.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот