„Long shot“ е филмско остварување кое трае нешто повеќе од два часа, а веруваме дека ќе ви претставува идеален одмор по работната недела која веќе е зад нас.

Се работи за урнебесна комедија, во која главните улоги ги толкуваат неверојатната Шарлиз Терон, како и „кралот на комедиите“ – Сет Роген!

Со спој од хумор, сарказам и романса, ова дефинитивно е филм кој вреди да се погледне.

На угледната страница „IMDB“, „Long shot“ има оценка од 6,9 ѕвездички, додека на страницата „Rotten tomatoes“, филмот е опишан како „остра, слоевита комедија, во која се создава хемија помеѓу една необична двојка“.

Краток опис за филмот:

Фред Фларски (Сет Роген) е талентиран новинар, кој не се срами да го каже своето мислење, додека Шарлота Филд (Шарлиз Терон) е една од највлијателните жени во светот. Шарлота е преубава, паметна и успешна жена која е Генерален секретар на САД, а воедно претендира да стане и првата жена претседател на Америка.

Интересно е тоа што тие двајца немаат ништо заедничко, освен фактот дека Шарлота му била дадилка на Фред, кој уште како дете бил заљубен во неа. Кога по неочекуван сплет на околности судбината повторно ќе ги спои, Фред ќе успее да ја шармира Шарлота со својот несекојдневен хумор и голема страст да ги промени работите во општеството.

Шарлота е толку импресионирана од младиот новинар, што ќе го вработи Фред како човек кој е задолжен да ги пишува нејзините говори, а воедно ќе биде и еден од нејзините најдоверливи советници. Набргу потоа помеѓу нив се раѓа романса, со што се случува спој на два сосема различни светови, а сето тоа е прикажано на големото платно преку комични моменти и сцени кои треба да се погледнат.

Погледнете го трејлерот: