Познатата холивудска актерка Наоми Вотс (52) со нежни црти на лицето и необична убавина, редовно добива комплименти за нејзиниот младешки изглед. Многумина ја паметат по одличните улоги во филмовите како „Mullholand Drive“ или „21 Grams“ е една од оние дами на кои возраста навистина им е само бројка, бидејќи секогаш изгледаат неверојатно.

Актерката израснала во Австралија, а својата убавина како што вели таа, ја должи на ритуалите за убавина и на редовната хидратација на кожата, но и на целиот организам.

Наоми е приврзаник на т.н. „чиста убавина“ – тренд кој се фокусира на најприродните производи кои содржат што помалку токсични состојки и се пакувани во еколошки амбалажи.

Вотс, која годинава го прослави 52-от роденден, може да се пофали со сјаен тен, за што е одговорна, покрај секојдневната нега на кожата и водата за пиење.

Имено, актерката вели дека најдобриот совет што некогаш го добила е да пие два литра вода секој ден, на што се придржува и секогаш нанесува крема со заштитен „UV“ фактор 30 на кожата, без оглед на сезоната. Покрај тоа, таа се обидува да спие осум часа.

Иако и самата признава дека би сакала да има помалку брчки, таа вели дека со текот на времето научила да го прифаќа тоа.

„Едноставно мора да го прифатите процесот на стареење“, вели Наоми, која постојано ја негува кожата со креми и козметички третмани.

Во слободното време, актерката вели дека избегнува многу шминка и прибегнува кон начинот минимално шминкање за што ѝ биле потребни само пет минути.

Што се однесува до фризурата, таа не е склона кон големи експерименти, па веќе некое време се држи до класичната „боб“ фризура во различни варијанти, што навистина одлично ѝ одговара.

Во нејзиното последно интервју, таа призна дека никогаш не била фанатична приврзаничка на вежбањето, но со влегувањето во 50-тите години, како што вели, се смениле некои работи.

„Како што стареете, мора повеќе да работите на себе за да го задржите мускулниот тонус. Па, сега работам многу понапорно и тренирам“, објаснува Вотс.