Најуспешниот ски-скокач во историјата ја заврши кариерата
Еден од најдобрите ски-скокачи во историјата, и секако најуспешниот во сè што освои, Грегор Шлиренцауер, одлучи да ја заврши кариерата на 32-годишна возраст.
Одлуката дојде бидејќи поради низата повреди во последните години и Австриецот не беше ни блиску до своето ниво.
– Последните неколку месеци беа многу предизвикувачки за мене, на позитивен начин. Поради повредите, имав доволно време и потребното растојание за да се помирам со минатото и да ја прифатам моменталната ситуација. По сè што доживеав како професионален спортист, не ми беше лесно да го објавам крајот на кариерата, но одлуката и моментот ми се чинат правилни – вели Шлиренцауер во соопштението.
Зад него останаа бројни успеси, дури 53 победи во Светскиот куп, што е рекорд на сите времиња. Беше двапати победник на Светскиот куп, двапати победник на новогодишната турнеја „Четири скокалници“, трикратен шампион во ски-скокови, а има и дури 11 медали од Олимписките игри и светските шампионати.
Шлиренцауер успеа да го постигне сето тоа до својата 24 година од животот, последната победа на Светското првенство беше постигната на 6 декември 2014 година во Лилехамер. После тоа, повредите станаа почести, како и психичките проблеми поради кои имаше подолги отсуства од натпреварувањата.