Кралицата Ранија од Јордан го прослави својот 50-ти роденден…

Ова е голема пресвртница за многу луѓе, особено за познатите личности, кои јубилејните родендени ги прославуваат со големи и прескапи забави, со голема помпа, многу гости во луксузни хотели и со премногу подароци, но кралицата Ранија од Јордан не е една од нив.

По тешките години, пропратени со големи жртви во светот но и во Јордан поради коронавирусот, кралицата Ранија посака да го прослави својот роденден со своето најблиско семејство, а посака само сите да бидат живи и здрави.

Кралицата Ранија за „Холоу“ магазинот даде изјава по повод својот педесетти роденден: „Ова беше тешка година, но благодарна сум на се што мојата земја направи со цел спречување на вирусот Ковид-19 да продолжи да се шири во внатрешноста на нашите граници и горда сум што во секој момент на прво место беше здравјето и зачувувањето на истото. За својот роденден, се додека сум опкружена со своите најсакани и додека тие се безбедни и здрави, не можам да побарам ништо друго“.

Кралицата Ранија и кралот Абдула II се верија само шест месеци откако се запознаа на вечерата која ја приредил нивни заеднички пријател, а во брак се од 1993 година. Гламурозната кралица се школувала во Кувајт, а студиите ги завршила во Каиро. Во бракот тие добија четири деца.

За својот 50-ти роденден, кралицата објави досега невидени фотографии од своето семејство…