Американките Бризи Џонсон и Микаела Шифрин останаа без подиум во алпската комбинација, откако го освоија четвртото место, а до медалот ги делеа само 0,06 секунди.

Џонсон ѝ донесе мала предност на својата партнерка со победата во спустот, каде што со време од 1:36.59 беше побрза за 0,06 секунди од Австријката Аријане Редлер. Сепак, во слаломот најтрофејната скијачка на сите времиња не успеа да ја сочува стекнатата предност и трката ја заврши на 15. место од вкупно 18 натпреварувачки, со време од 45.38 секунди, што беше за цела секунда послабо од најдоброто време во слаломот, поставено од Германката Ема Ајхер.

Овој резултат е изненадувачки ако се знае дека Шифрин победи на првите седум слаломски трки во Светскиот куп оваа сезона, додека на единствената преостаната трка заврши како второпласирана.

Џонсон и Шифрин ја завршија комбинацијата со вкупно време од 2:21.97, што беше недоволно за медал. Сепак, САД сепак стигна до подиум, откако Жаклин Вајлс и Пола Молцан ги надминаа своите сонароднички и го освоија бронзениот медал со вкупно време од 2:21.91.

Златниот медал им припадна на Австријките Аријане Редлер и Катарина Хубер со време од 2:21.66, додека среброто го освоија Германките Кира Вајдле-Винкелман и Ема Ајхер со резултат од 2:21.71.

ВИДЕО | Олимписките медали веќе се распаѓаат додека официјалните лица бараат одговори