Најпродаваната книга во Италија содржи само празни страници
Книгата за ултрадесничарскиот политичар Матео Салвини е на врвот на најпродаваните наслови на италијанскиот Амазон, иако содржи само празни страници.
Книгата „Зошто Салвини заслужува доверува, почит и восхит“ на 110 страници и со цена од 6,99 евра, нуди празни страници и со денови се наоѓа на врвот на листата на најпродаваните книги на италијанската веб-страница.
“Why Salvini deserves trust, respect and admiration” most sold book in #Italy with blank pages! #AlexGreen #Salvini #Italia pic.twitter.com/vbJh6PyZXh
— armin niknam (@iArmiiin) December 2, 2020
-Книгата е полна со празни страници. И покрај долгогодишното истражување, не успеавме да најдеме што да кажеме по ова прашање, затоа слободно искористете ја за свои белешки- се вели во описот на книгата.
Авторот е „Алекс Грин, политички аналитичар“ и веројатно се работи за псевдоним. Според Амазон, книгата е објавена во приватна компанија во февруари 2009 година.
Очигледната шега го привлече вниманието на многу италијански медиуми, вклучувајќи ги „Ла Штампа“, „Ла Република“, „Ил Фато Котидиано“ и „Соле 24 Оре“.
Критиките на Амазон се претежно позитивни, а просечната оценка е 4,7 sвезди.
– Долготрајно и напорно читање, но вредеше – пишува еден потрошувач.
На некои, сепак, не им се допаднала шегата.
– Пишувам за да ви кажам дека ова е празна книга продадена во заговор со левичарскиот Амазон само за забава на левичарите – напишал човек кој ја оценил книгата со само една ѕвезда.
– Ја купив само за да пишувам лошо за неа. Не треба да ја купувате! – додава купецот.
Салвини (47) е лидер на партијата Лига. Политичарот кој го подели општеството е познат по неговиот тврд став кон мигрантите и неговата наклонетост кон другите популистички водачи, како што е американскиот претседател во заминување Доналд Трамп.