Најпосакувана работа ова лето во Шпанија: За 3.000 работни места се пријавиле дури 90.000 лица
Работното време за оваа позиција е од 9 до 15 часот, а платата изнесува 1.500 евра месечно што пак е надпросечно добро за шпанскиот стандард.
Речиси 90.000 Шпанци се натпреваруваат за 3.000 работни позиции како редари на плажи. Работното место се состои од патролирање по плажите и предупредување на туристите да се придржуваат до препораките и мерките и да држат растојание од два метри.
За работните позиции најмногу се пријавиле млади лица бидејќи од една страна тоа е напорна работа на летни горештини, а од друга затоа што токму младите Шпанци се најпогодени од корона кризата. Повеќе од милион Шпанци поради пандемијата ја изгубија својата работа, а половина од нив се помлади од 35 години, пишува „Дојче Веле“.
Работното време за оваа позиција е од 9 до 15 часот, а платата изнесува 1.500 евра месечно што пак е надпросечно добро за шпанскиот стандард.