Најново истражување – Астра Зенека и Фајзер ефикасно штитат од индиската мутација на ковид-19

epa09074881 (FILE) - A vial of AstraZeneca's Covid-19 vaccine stored in Movianto in Oss, The Netherlands, 12 February 2021 (reissued 14 March 2021). The Dutch health ministry on 14 March 2021 said it was suspending the AstraZeneca vaccine rollout, just days after pressing ahead with its use. EPA-EFE/Remko de Waal

Најновото истражување на Здравствениот институт на Англија покажа дека вакцините на компаниите Фајзер и Астра Зенека се ефикасни во заштитата на луѓето од индиската мутација на коронавирусот.

Анализата спроведена меѓу 5 април и 16 мај покажа дека вакцините на Фајзер се 88 проценти ефикасни во случај на индискиот вид коронавирус две недели по земањето на втората доза. Од друга страна, против британскиот вид коронавирус, вакцините на Фајзер покажаа ефикасност од 93 проценти.

Научниците ја испитале и ефикасноста на вакцината на Астра Зенека врз индискиот вид коронавирус. Според студијата, Астра Зенека покажала ефикасност од 60 проценти кога станува збор за индискиот вид коронавирус, што е за шест проценти помалку од заштитата што вакцината ја обезбедува од британскиот вид.

Според британски Гардијан, причината поради која постои разлика во ефикасноста меѓу двете вакцини може да биде што на вакцината на Астра Зенека и треба малку подолг период за да достигне максимална ефикасност. После тоа, вакцината, според научниците, обезбедува значително подолга заштита од коронавирусот.

– Сега е сосема јасно зошто е важна втората доза на вакцината за да се обезбеди најсилна заштита од коронавирус и сите негови варијанти – рече британскиот министер за здравство Мет Хенкок.

Со оглед на заштитата што вакцините ја даваат од различни варијанти на коронавирус, истражувачите истакнаа дека очекуваат вакцината да достигне максимална ефикасност и кога станува збор за намалување на бројот на хоспитализации и смртни случаи.

– Студијата покажа дека вакцините обезбедуваат високо ниво на заштита од симптоматски случаи на зараза со индиската мутација на коронавирусот. Очекуваме да обезбедат истата заштита со цел да се намали бројот на смртни случаи и хоспитализации поради зараза со коронавирусот – рече шефот на одделот за имунизација во Здравствениот институт на Англија.

Од почетокот на процесот на вакцинација во Англија, спроведени се неколку студии за анализа на ефикасноста на вакцините во борбата против коронавирусот.

Според овие податоци, програмата за вакцинација во Англија досега спречила повеќе од 13.000 смртни случаи од коронавирус, како и најмалку 39.100 хоспитализации, особено на постари лица.

Видео на денот