Хрватската 16-годишна тинејџерка и натпреварувачка во алпско скијање Пија Вучиниќ на Зимски олимписки игри во Италија се соочила со драматична ситуација пред денешната слаломска трка.

Имено, младата скијачка денешната трка не ја заврши, а веднаш потоа од од хрватскиот табор открија дека зад неуспехот стојат здравствени проблеми. Директорот на репрезентацијата, Ведран Павлек, појасни дека Вучиниќ ден претходно минала низ тежок ден.

„Имаше допинг контрола, при што ѝ беше земена крв, а потоа се онесвести. Поради тоа го пропушти и последниот тренинг пред трката и не беше целосно подготвена“, изјави Павлек, алудирајќи дека младата натпреварувачка не настапила во идеална состојба.

Кога е трката во прашање, златниот медал во слалом го освои фаворитката Микаела Шифрин, среброто ѝ припадна на Камил Раст, додека бронзата ја освои Ана Свен Ларсон.

Официјален распоред на настапите на македонските спортисти на Зимските олимписки игри