Најголемиот снежен лавиринт во светот: Зимска земја на чудата изградена од 60.000 блокови снег
Закопане е град на југот на Полска, на самиот раб на националниот парк Татра, кој, како и планинскиот венец, се протега и низ соседна Словачка.
Препорачано
Ридовите над Закопане се омилено излетничко место во текот на целата година, а во зима овој дел од зелените Татри се претвора во популарно скијалиште и бајковита Снежна земја, зимски авантуристички парк со бројни атракции, во кои уживаат сите посетители, без разлика на нивната возраст.
Покрај скијачките патеки и тобоганите, паркот со скулптури од мраз, вистинскиот снежен замок и палатата на Снежната кралица со кули високи петнаесет метри, тој е дом на најголемиот снежен лавиринт не само во Полска, туку и во целиот свет. Снежниот лавиринт првпат е изграден во 2016 година, а неговата површина надминува две и пол илјади квадратни метри.
Ходниците на лавиринтот се долги цел километар, а неговите ѕидови се високи два метра.
Секако, снежниот лавиринт е само сезонска атракција, како и целата Земја на снегот, која е отворена за посети од јануари до средината на март, освен ако нема неочекувани температурни скокови или топли ветрови.
View this post on Instagram
Лавиринтот е изграден од 60.000 блокови набиен снег, исто како што се градат иглоата, а посетителите можат да се „изгубат“ во лавиринтот околу еден час.
View this post on Instagram
