НАЈГОЛЕМА КРАЖБА НА ПОДАТОЦИ ВО ИСТОРИЈАТА НА РУСИЈА: Хакери удрија на Путин! (ВИДЕО)

Непознати хакери ја извршиле најголемата кражба на податоци во историјата на Русија, што го загрозило проектот за правење на посебен интернет за да се заштитат националните интереси, а кое го одобрил лично претседателот Путин.

Сајбер криминалците украле дури 7,5 терабајти податоци од компанија која работи со Федералната служба за безбедност – ФСБ, наследничка на КГБ.

Се верува дека дел од овој материјал ќе им биде проследен на медиумите ширум светот за да биде објавен во јавноста. Хакерската група која себеси се нарекува “0v1ru$” влегла во московската IT компанија “Сај Тек”, која заедно со ФСБ работи на проект за изработка на руски интернет.

Хакерите на сајтот на компанијата поставиле смајли, пренесува BBC. Материјалот потоа бил проследен до хакерската група “Digital Revolution”, која ќе го дистрибуира во медиумите.

Во најголемата кражба на разузнавачки податоци во историјата на Русија украдени се детали од социјални мрежи како Facebook и LinkedIn, како и детали за корисниците на пребарувачот “Tor”. Станува збор за еден од најпознатите софтвери за анонимна комуникација на интернет и тој претставува влез во таканаречениот дарк веб.

ФСБ има овластување да се грижи за националната безбедност на Руската федерација, да ги штити границите и да изведува антитерористички акции. Засега нема показатели до кои се податоци хакерите дошле.

Дополнителен проблем за Кремљ претставува и тоа што компанијата “Сај Тек” имала и договор со воената единица 71333, која е пандан на цивилниот 16-ти директорат на ФСБ, а која е задолжена за собирање на воено-разузнавачки податоци.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот