Денеска во полуфиналниот меч на фјучрсот во Скопје Калин Ивановски со резултат 2:1 во сетови го елиминираше петтиот носител на турнирот, Ерги Киркин од Турција, по два часа и девет минути игра.

Противникот го освои првиот сет со 3:6, но во следните два возврати најдобриот македонски тенисер и тоа убедливо со 6:2 и 6:2.

Ивановски, кој е четврти носител на турнирот во финалето ќе игра против Французинот Саша Вајенбург.

Третиот носител Вајенбург во полуфиналето по еден час и 26 минути игра триумфираше против Хрватот Вито Тонјец со 7:6 (5) и 6:1.

За францускиот тенисер ова е трето финале оваа година, а пред две недели играше и во квалификациите и на „Ролан Гарос“.

Вајенбург веќе се закити со една титула на сегашниот турнир во Скопје, односно заедно со својот сонародник Антоан Оанг како втори носители се победници во дубл натпреварувањето. Во финалето со 6:1 и 6:2 ја совладаа бугарската двојка Јанаки Милев и Петр Несторов.