Ведат Муричи кој се смета за најдобар косовски фудбалер се опорави  од коронавирусот и најверојатно ќе биде дел од неговата репрезентација на полуфиналниот бараж натпревар од Лигата на Нации против Македонија.

Муричи летово од Фенербахче направи трансфер во Лацио, но по враќањето во Истанбул за да ги заврши административните рабори околу работната дозвола, на задолжителниот тест при влез во Турција, откри дека е позитивен на коронавирус и замина во самоизолација.

Денеска Муричи повторно се тестираше и неговиот резултат е негативен, а доколку и утрешниот втор тест биде негативен тој ќе може да замине во Италија и да му се приклучи на Лацио, а со тоа најверојатно ќе биде подготвен за настап и за дуелот со Македонија кој треба да се игра наредниот месец.

„Ведат Муричи беше негативен при последното тесстирање на ковид-19. Ќе почека за уште еден тест и доколку повторно е негативен, утре веднаш ќе замине за Рим за да му се приклучи на Лацио. Тоа значи дека ќе може да игра против Македонија“, објави Фудбалската федерација на Косово.