Наиса пресилна за ЖРК Чаир во Европскиот куп

фото: facebook.com/whc.cair

Денеска македонскиот женски ракометен клуб Чаир во првиот натпревар од второто коло во новоформираниот Европски куп загуби убедливо од екипата на Наиса од Ниш.

Во Спортско рекреативниот центар „Кале“ во Скопје, ЖРК Чаир претрпе висок пораз од српскиот претставник со резултат 26:41.

После првото полувреме не се најавуваше толкава висока разлика на крајот, бидејќи на паузата гостинскиот состав имаше само два позитива (15:17).

Во листата на стрелците кај ЖРК Чаир најрасположена беше Анастасија Николовска со 13 голови, четири запиша Марија Николовска.

На спротивната страна 10 погодоци беа дело на Марија Филиповиќ, а четири помалку имаше Сања Стаменковиќ. Реваншот ќе се игра на 17 октомври 2020 година на теренот на противникот.

Видео на денот