Пејачката на народна музика Нада Топчагиќ поради болки е задржана во болница.

Како што претходно извести српски „Телеграф“, Топчагиќ синоќа била примена во Ургентниот центар, а лекарите решиле да ја задржат за да ги направат потребните тестови.

Топчагиќ се пожалила на болки во пределот на стомакот, но сè уште не е утврдено што ги предизвикало.

Нејзиниот сопруг Златко Ѓорѓевиќ ја потврди оваа информација за „Телеграф“:

– Синоќа е примена на Ургентен, не ни знаеме што се случило. Таа се пожали на болки во стомакот, поради што одлучија да ја задржат во болница на детални прегледи. Ги чекаме резултатите – изјави Златко Ѓорѓевиќ.

Откако поминале неколку часа откако оваа информација стигна во јавноста, Златко повторно се огласил и открил дека се слушнал со сопругата.

– Се слушнав сега, пред пет минути со неа, не е толку лошо. Утре ќе имам повеќе информации, сега сум со децата, добро се. За да не претпоставувам што е во прашање, кога ќе стигнат резултатите ќе разговараме за тоа – изјави Златко за „Пинк“.