Денеска од 17.00 часот ќе се играат натпреварите од последното 38 коло во Премиер лигата по кое ќе дознаеме уште еден клуб кој ќе остане во елитата и следната сезона, а кој се сели во понизок ранг, односно Чемпионшип.

Од претходно е познато дека Премиер лигата ова лето ќе ја напуштат Барнли и Вулверхемптон, а во трката за опстанок останаа екипите на Тотенхем и Вест хем.

Моментно Тотенхем е на 17 место со 38 бодови, два повеќе од Вест хем на 18 позиција во опасната зона за испаѓање.

На играчите предводени од тренерот Роберто Де Ѕерби и е доволен бод на дуелот против Евертон за да останат во Премиер лигата.

Од друга страна, фудбалерите на Нуно Еспирито Санто мора да одат на победа дома против Лидс, а за останат во елитата потребно им е Тотенхем да загуби пред своите навивачи од Евертон.

Во случај на ист број бодови, Тотенхем да ремизира, а Вест хем дојде до победа, гол-разликата е на страната на тимот на Де Ѕерби. Тотенхем има убедлива предност од 12 гола во гол-разликата (-10 во споредба со -22 на Вест хем).