Ерата на Јанис Адетокумбо во Милвоки бакс се ближи кон крај, а можеби е веќе и на самиот крај. Според последните информации, Јанис и неговиот менаџер Алекс Сарацис го информирале клубот дека грчката ѕвезда е незадоволна и сака да си замине.

Сепак, одлуката не е целосно конечна, бидејќи Адетокумбо оставил простор за нови разговори со раководството.

Според информациите на познатиот НБА инсајдер Шамс Чарани конечниот став на Јанис ќе биде познат во следните неколку недели. Оваа сезона тој бележи импресивни 30,8 поени, 10,7 скокови и 6,4 асистенции во просек, со фантастични 63,9% реализација од игра, но тимот е само на десеттата позиција со учинок од 10-13.

Just in: Giannis Antetokounmpo and his agent Alex Saratsis have started conversations with the Milwaukee Bucks about the two-time NBA MVP’s future – and discussing whether his best fit is staying or elsewhere, sources tell ESPN. A resolution is expected in the coming weeks. pic.twitter.com/NfrpL2Ffvr

— Shams Charania (@ShamsCharania) December 3, 2025

Штом информацијата се појави во јавноста, половина од лигата веќе наводно започнала да подготвува понуди за потенцијален „трејд“.

Многу тимови би сакале да го видат Адетокумбо во своите редови, но во моментов најголеми понуди можат да испратат Лос Анџелес лејкерс и Њујорк никс.

Прво, сепак, потребно е Јанис официјално да објави дека заминува од Милвоки, нешто што, според најавите, би можело да се случи наскоро.

Преземено од: Спорт.ком.мк