На денешната ждрепка за Олимписките игри во Париз кои ќе се одржат во летото кое следи репрезентациите на Србија и САД се паднаа во иста група.

Србија и САД се двете селекции кои на кошаркарскиот турнир во Париз ќе важат за едни од најголемите фаворити. Двете репрезентации ќе бидат во групата „Ц“ и ќе приредат вистински спектакл за љубителите на кошарката.

Покрај Србија и САД во оваа група ќе бидат уште Јужен Судан и најверојатно Литванија или САД во зависност од квалификацискиот турнир во Порторико. На тој турнир учествуваат уште Мексико, Брегот на Слоновата Коска и Бахреин.

Од американската репрезентација веќе најавија учество на нивните големи ѕвезди како Леброн Џејмс, Кевин Дурант, Ентони Дејвис, Стеф Кари…Кога е Србија во прашање се уште неизвесно е дали Никола Јокиќ ќе игра за Србија.

Германија која е актуелен светски шампион ќе биде во група со домаќинот, потоа Јапонија и победникот од квалификацискиот турнир во Летонија. Можеби најнеизвесна ќе биде групата А каде што сигурни се само Австралија и Канада, друштво би можеле да им прават Словенија, Шпанија или Грција.