Пред неколку дена македонскиот народ и целата естрада се прости со нашиот најдобар кларинетист и саксофонист Ферус Мустафов, кој по кратко боледување, почина на 72-годишна возраст.

Погребот на кралот на ромската музика се одржа на гробиштата Камник во Скопје пред два дена, а комеморацијата се одржа денеска во НОБ.

„Кога почина нашиот колега, легендарниот музичар Ферус Мустафов, илјадници пораки со сочувство, негови фотографии и видеа се објавија на социјалните мрежи од голем број на колеги. Но, денес, на комеморацијата која се одржа во МОБ, немаше ниту 30 луѓе. Не сакам да помислам ништо друго, туку дека колегите не дошле бидејќи е работен ден, можеби имале неодложни обврски… Нам ни е важно што го испочитувавме“, за ,,Фокус” вели Горјан Стојановски, претседателот на Здружението на естрадни уметници „Естрада“.

Тој додава дека на погребот на Ферус имало околу 150 луѓе, меѓу кои и политичари.

„Свири ми брате Ферусе“: Познатите личности се простуваат од легендарниот Мустафов