Фудбалерите на Борусија Дортмунд како најблиску во трката со Баерн Минхен за тронот во најсилното германско првенство, денеска во 30 коло загубија на гостувањето кај Хофенхајм со 2:1.

Овој пораз на „милионерите“ значеше и голема радост за Баерн на кој му е потребен само уште еден бод и математички да ја обезбеди, односно одбрани титулата освоена од минатата сезона.

Баерн кој својот меч од ова коло ќе го има в недела на домашен терен против Штутгарт, моментно е на водечката позиција со 76 бодови, 12 повеќе од второпласираната Борусија Дортмунд.

Крамариќ му донесе водство на Хофенхајм од пенал во 42 минута, потоа во 87 минута за израмнување стрелаше Гираси, а Крамариќ во осмата минута од судиското надополнување го постигна и својот втор гол исто така од белата точка.

Во саботата се одиграа уште три натпревари: Баер Леверкузен – Аугсбург 1:2, Унион Берлин – Волфсбург 1:2, Вердер Бремен – Хамбургер 3:1.