МЗТ Скопје Аеродром пред исклучително важен натпревар во АБА лигата
Пред МЗТ Скопје Аеродром е исклучително важен меч на домашен терен утре (сабота) против Борац Чачак (16.00 часот), кој дефинитивно може да се нарече и натпревар на сезоната со оглед што е пресметка со директен ривал за опстанок во АБА-лигата.
Добрите игри во последно време му даваат право на македонските шампиони, момците во сино-бела опрема дека ќе дојдат до втората домашна победа по ред во регионалното натпреварување (трета вкупно), која во многу ќе си ги зголеми шансите за останување во друштво на најквалитетните на овие простори.
Атмосферата во тимот е на највисоко ниво, мотивираноста кај кошаркарите е максимална, а за остварување на целта на МЗТ ќе му биде потребна и голема поддршка од нашиот шести играч на трибините – навивачите во СЦ „Јане Сандански“.
Билетите за овој меч се веќе во продажба и тоа со цена од по 150 денари за блоковите 5, 6, А2, А3 и А6, додека за сите останати места во салата таа изнесува по 100 денари.
Влезници може да се купат онлајн на www.karti.com.mk и www.mktickets.mk , преку продажните места на МК Тикетс, како и на билетарницата пред арената во населба Аеродром на денот на натпреварот.