До Министерството за внатрешни работи досега не е пристигната пријава за казино во Дојран во кое наводно се издаваат фалсфикувани ковид сертификати. Од полицијата велат дека ќе бидат извршени проверки во врска со овој случај, по што ќе ја известат јавноста.

Грчката телевизија Опен објави видео-сторија за казино во Дојран кое наводно издава фалсификувани ковид-сертификати.

Во емитуваниот прилог на телевизијата во сопственост на контроверзниот грчко-руски бизнисмен Иван Савидис се тврди дека извесно казино во близина на граничниот премин Дојран-Дојрани на македонска територија им обезбедува бесплатен лажен негативен тест на своите посетители со кој тие можат безбедно да се вратат во Грција.