Првата и единствена музичка конференција во Македонија, ПИН-Конференција, официјално го отвори повикот за учество на млади изведувачи кои ќе имаат прилика да бидат дел од годинашната концертна програма.

Македонската ПИН-Конференција е еден од најзначајните меѓународни собири во регионов кој ги привлекува музичките експерти од цела Европа и подалеку, а која со секое свое издание го зголемува кругот на учесници и посетители, артисти и љубители на музиката, и ги спојува професионалците од сите сфери на музичката индустрија.

Годинава, од 30 ноември до 2 декември ПИН ќе го прослави јубилејното 10-то издание и повеќе од деценија како создава простор за негување и развој на македонската и регионалната музичка сцена, простор за споделување искуства и креирање нови можности.

Сите нови изведувачи од Македонија и пошироко можат да се пријават на отворениот повик и да бидат дел од музичарите кои ќе се претстават пред нова публика. Сите заинтересирани можат да се пријават на преку платформата „Гигмит“ (GigMit) најдоцна до 15 април.

(Текстот е објавен во „Културен печат“ број 168, во печатеното издание на весникот „Слободен печат“ на 25-26 февруари 2023)