Муслиу со Инголштад не обезбеди опстанок во Бундеслига 2
За Инголштад до крајот на сезоната останаа уште три натпревари, а денеска и официјално стана третолигаш во Германија.
Денеска во рамките од 31 коло играчите на тренерот Рудигер Рем ремизираа на гостувањето кај Карлсруе со резултат 2:2.
За гостите целиот меч го одигра македонскиот одбранбен репрезентативец Висар Муслиу.
Инголштад не успеа да обезбеди опстанок во Втората Бундеслига, се наоѓа моментно на последната 18 позиција со 20 бодови, 15 помалку од засега безбедниот Сандхаузен на 15 место.
Нашиот 27-годишен дефанзивец Муслиу досега во шампионатот запиша 11 настапи и еден гол во победата над Ауе (3:2).
Во генералниот пласман води Шалке на Дарко Чурлинов со 56 бодови и е во одлична позиција да се врати следната сезона во елитата. Второпласиран е Вердер Бремен со 54 бодови, а трет е Ст. Паули (53).