Македонската фудбалска А репрезентација се подготвува за саботниот натпревар во Прага против Украина во рамките од квалификациите за Европското првенство 2024.

Овој дуел е клучен за избраниците на селекторот Благоја Милевски и со победа сигурно ќе останат во трката за пласман на континенталниот собир кој ќе се одржи во Германија.

– Во нашата група секој натпревар е важен кога гледате каков квалитет имаат противниците. Секоја победа за нас би била добредојдена, со таква намера одиме во Прага и се надевам дека ќе ги освоиме бодовите.

Многупати сме докажале, но тоа е веќе поминато. Со квалитетот што го поседуваме можеме да калкулираме на трите бода, кои се многу важни за пласман на ЕП – вели одбранбениот фудбалер во нашата репрезентација, Висар Муслиу.

Најдобрите украински фудбалери исто така овие денови ја темпираат формата и сметаат дека ги очекува тежок меч против Македонија.