Муса Џафери: Или оставка на Груби или војната во ДУИ ќе ескалира

Муса Џафери/Фото: ДУИ

Оставка на првиот вицепремиер Артан Груби и уште неколку министри или пак, лидерот Али Ахмети да ги смени, во спротивно војната во ДУИ ќе ескалира, изјави за Слободен печат“ Муса Џафери еден од експонентите на „огнената група“ по состанокот на лидерот со Изет Меџити и Блерим Беџети со чаирскиот и сарајскиот огранок во партиското седиште во Мала Речица.

Додека Џафери најави отворена војна ако нема смена на министри, Груби негира дека има раскол во ДУИ и вели сите се построени зад лидерот Ахмети. За Ахмети, пак, незадоволството на „огнените“ не е загрижувачо и смета дека преку дебата ќе се надмине.

И додека Беџети и Меџити не открија детали од разговорите со партискиот лидер освен дека останале на позициите за смена на министрите, Џафери во разговор за „Слободен печат“ отворено му порачува на Ахмети дека политичките проблеми и барања во партијата не може да ги решава со ограноците и така да го амортизира незадоволството.

-Артан Груби барем малку ако го слуша незадоволството во партијата од него, самиот треба да се повлече од функциите прв вицепремиер и министер за политички систем. Освен него, оставки од функциите треба да поднесат и други министри или Ахмети да ги смени. Во спротивно ќе има политичка војна во ДУИ. Ако Ахмети мисли дека ова може да се развлече преку средби со ограноци и да трае со месеци, ако мисли дека може да не надмудри тогаш е во грешка бидеќи така нема да се решат проблемите. Не може политичките проблеми и барања во партијата да се решаваат со средби со членови од ограноците – вели Џафери.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот