Турскиот репрезентативец и досегашниот фудбалер на Лил, Зеки Челик е најновото засилување за Рома за следната сезона.

Дефанзивецот во Рома дојде откако италијанскиот тим се согласи да му плати 7 милиони евра на Лил, објави новинарот Фабрицио Романо. Претходно за „римската волчица“ потпишаа Немања Матиќ и Миле Свилар

По Немања Матиќ, Челик е уште едно засилување кое треба да им помогне на Мурињо и Рома да се вмешаат во трката за титулата во Серија А.

Десниот  бек во текот на својата кариера настапуваше за Бурса и Истанбулспор, пред да пристигне во Франција каде од 2018 година го носи дресот на Лил.

Следна цел на Мурињо е играчот на Сасуоло Давиде Фратези кој треба да претставува засилување за средниот ред.