МТСП: Анкета за бројот на лица во старските и во домовите за лица со посебни потреби за планирање на вакцинација против ковид-19
Министерството за труд и социјална политика (МТСП) испратило барање до приватните и до државните старски домови, како и до Специјалниот Заводот Демир Капија, Заводот за рехабилитација на деца и младинци, Заводот за заштита и рехабилитација – Банско, за бројот на лица корисници на нивните услуги, со цел да се добие вкупна бројка на оние кои би влегле во системот за вакцинација против ковид-19.
Од МТСП велат дека повратни информации се веќе добиени и оти тие се доставени и до Министерството за здравство, со цел да се направи сеопфатна анализа на лица кои би биле приоритетни за вакцинација.
– Вчера имавме разговор со претставништвото на „Фајзер” во Белград и таму се работи на двата договора – драфт договорот за нашите 800.000 дози и дозволата за српските власти да ги дадат фајловите за ние да ги увеземе тие вакцини од нивната земја. Веднаш кога ќе ги добијат фајловите и дозволата ние сме спремни да ги примиме, рече Филипче.
Старите лица, хронично болните и здравствените работници се посочени како групи кои треба да имаат приоритет при вакцинацијата.