Академија Пандев во закажаниот термин ќе тестира против бугарскиот второлигаш Монтана, а влезот за сите љубители на фудбалот ќе биде слободен.

На претходните контролни средби струмичкиот прволигаш загуби од албанската Теута Дач (1:4) и Славија Софија (2:3), а ремизираше со романскиот Клинчени (1:1), а славеше против бугарските Берое (2:0) и Локомотив Пловдив (1:0). Дуелот при 0:0 со Витоша Бистрица не го доживеа својот крај поради лошите временски услови.

Овој дуел ќе биде и „генералка“ пред двомечот на „пандевци“ во првото квалификациско коло на Лига Европа против босанскиот тим на Зрињски.

Потсетување дека првиот меч меѓу македонскиот претставник и екипата од Босна и Херцеговина ќе се одигра на 11 јули на Националната арена „Тодор Проески“ – Скопје од 19.00 часот, а реваншот е на 18 јули во истиот термин на теренот на противникот.