Македонските претставници во квалификациите за Лигата на Европа ги добија можните противници во второто коло.
Екипата на Академија Пандев доколку излезе како победник во двомечот со претставникот од БиХ, Зрињски, во второто коло од квалификациите за ЛЕ го очекува холандскиот прволигаш Утрехт.

И останатите две македонски екипи во ЛЕ добија тешки противници. Македонија ЃП ќе игра со подобриот од дуелот помеѓу ФЦСБ и Милшами. ФЦСБ е поранешниот романски и европски шампион Стеауа, која откако го загуби спортот со Армијата на Романија, мораше да го промени името и грбот, но и да се откаже од сите титули. Претходно, „лавовите“ ќе мора во првото коло да го елиминира ерменскиот Алашкерт.

Екипата на Шкупи, доколку биде подобра од Пјуник од Ерменија, ќе си обезбеди двомеч со чешкиот прволигаш Јаблонец.