Момчето по име Џонатан има екстремен далтонизам и никогаш претходно нема видено голем број од боите кои ние можеме да ги разликуваме.

На час каде што имале предавање за далтонизам, директорот на училиштето, кој исто така е далтонист, на Џонатан му донел специјални очила со кои може да се гледаат бои. Воодушевен и шокиран од глетката која на повеќето од нас ни е секојдневие, тој се расплакал кога видел колку убава може да биде и една обична училница.

Моментот го забележал неговиот постар брат и видеото го објавил на Твитер, со што набргу станало вирално.

Очилата биле подарок додека не успее самиот да си дозволи свој пар, по што мајка му основала фонд на GoFundMe страната за да соберат средства.

Набргу тие ги собрале средствата и изјавиле дека откако ќе ги купат очилата за Џонатан, парите што ќе им останат ќе ги донираат во добротворна организација за далтонизам.