Новата американска финансиска помош за Киев ќе биде доволна за украинската армија да ги амортизира трошоците на фронтот, но не и да го смени текот на работите во војната. Главен проблем останува да бидат ресурсите на украинската војска, кои доколку не се надополнат со нова западна помош, Русија ќе биде во позиција лесно да ги продолжи своите воени аспирации, истакна професорот Методи Хаџи Јанев во неговото гостување во емисијата „Слободен печат“.

– Не се работи сега само колку пари ќе се помогне Украина, туку колку опрема може да се произведе за да се надополни воената техника и муниција на Украинците. Проблемот тука настанува околу концептот на војување. За да бидам појасен, Русија нејзината економија ја пренамени во воена уште во 2014 година. Со овој чекор Русија произведува муниција, оружје и техника која во овој момент за жал западната либерална демократија не може да и го понуди на Украина, бидејќи фабриките во Европа но и САД не се во можност да произведат толку колку на Украина и е потребно – оценува Хаџи Јанев.

Повеќе од разговорот со Методи Хаџи Јанев можете да го погледнете во видеото во продолжение.