Подводниот визуелен спектакл „Мрмејд опен“, односно Меѓународниот натпревар за сирени во Шангај, Кина се одржа минатиот викенд и на него учествуваа речиси стотина спортисти од Кина, Јужна Кореја и Казахстан.

Тие презентираа неверојатни нуркачки вештини во неколку програми, а нивниот настап беше оценет во неколку категории. Натпреварот кој се одржа во базен со 7.500 кубни метри вода и речиси 50.000 риби, заврши со двајца шампиони, пишува „Шангај дејли“.

Натпреварите со сирени станаа многу популарни во Кина во последните години, а со цел да го промовира овој спорт, океанскиот парк „Хаичанг“ во Шангај планира да организира низа настани за претстојните мајски празници.